?

Log in

No account? Create an account
Previous Entry Share Next Entry
Հարսնաքարի պահով
лис
koreolan

Originally published at Կորեոլան. You can comment here or there.

Այս թեմայով չէի գրում, որովհետև … յանիմ ի՞նչ գրես։ Գրես, որ անկախ էն բանից, թե մարդը ինչ է արել կամ ասել, նրան ծեծելով սպանելը որևէ արդարացում չունի՞։ Է սա էնպիսի բան է, որ մարդ կամ առանց ասելու հասկանում է, կամ չի հասկանում։ Հիմա ով չի հասկանում, կարող է դիմել «Հարսնաքար» ախռաննիկի թափուր տեղի համար։

Բայց Վահեի մահվանից հետո կատարված դեպքերը գրելու բան թողեցին։ Նախ, ասեմ, եթե մի օր ինձ սպանեն ու նվստիս մահը հանկարծ հասարակական հնչեղություն ստանա, հաստատ չէի ուզի, որ հիշատակիս միջոցառումներին հիստերիաներ լինեն։ Մարդիկ, սովորեք հարգել հանգուցյալի հիշատակը։ Պայքարելու, պատժելու, կարգախոսներ գոռալու ու միտինգ անելու տեղն առանձին է, մոմ վառելու ու լուռ հիշատակ հարգելու տեղը՝ առանձին (չէ, մոմավառությանը չեմ գնացել)։ Չի կարելի դրանք խառնել։

Ինչ վերաբերում է «Հարսնաքարին» ու Նեմեցին։ Կոչեր են հնչում բոյկոտել Նեմեցի արտադրանքը։ Ճիշտն ասած Նեմեցի արտադրանքը բոյկոտելու պատճառներ դեռ սրանից առաջ մի քանի վագոն կար ու քանի որ ոչ ոք չէր բոյկոտում, հիմա էլ մեկուկես հոգի մեկուկես օր կբոյկոտի ու վերջ (ինքս չեմ բոյկոտելու, ինչ ձեռքս ընկնի, այն էլ կառնեմ ու չեմ էլ մտածի Նեմեցինն է, թե մի ուրիշինը ” հա, այ տենց քաղաքացիական գիտակցությունից զուրկ մարդ եմ, ի՞նչ եք ուզում ինձնից)։

Բայց, բոյկոտի գաղափարն ինքը նորմալ, առողջ գաղափար է։ Իսկ այ մնացածը … հանդիպեցի օրինակ «Հարսնաքարը» փակելու կոչերի։ Շատ ներողություն ” ի՞նչ հիմքով։ Ցույց տվեք օրենքներում այն կետը, որի հիման վրա «Հարսնաքարը» պետք է փակել։

Նույնը Նեմեցին մանդատից զրկելու հարցը։ Ի՞նչ հիմքով։ Կա՞ ապացույց, որ ինքն անմիջական մասնակցություն է ունեցել կատարված միջադեպում։

Կամ «Հարսնաքարը» վառելու, պայթացնելու, սրան-նրան կտոր-կտոր անելու, սպանելու կոչերը, որ այս օրերին հատկապես շատ են ՖԲ-ում։ Ես դեռ հասկանում եմ, երբ էդ պայթացնելու, վառելու կոչեր անողները բռնապետության կամ դիկտատուրայի համակիրներ են, ֆաշիստներ են, իրանց դեպքում դա նորմալա, երևի։ Բայց այ, երբ այդ կոչերն անում են այնպիսի մարդիկ, ովքեր հայտարարում են, թե ժողովրդավարություն, իրավական պետություն հասկացություններն իրանց համար ինչ-որ արժեք ունեն, այ սա արդեն չեմ հասկանում։

Լավ, ենթադրենք մի մասը դա ասում է զայրացած, զգացմունքների ազդեցության տակ, բայց ախր շատերը նույնը կասեն նաև հանգիստ վիճակում։ Գիտե՞ք որն է ամենավատը, որ այս վերջինները չեն էլ գիտակցում, որ իրենցից յուրաքանչյուրն իրականում մի պոտենցիալ Նեմեց կամ Նեմեցի ախռաննիկ է, որին իրենք այդքան ատում են։ Որովհետև իրենք էլ Նեմեցի ու իրա ախռաննիկի նման ծեծել, ջարդել, սպանելուց էն կողմ բան չեն պատկերացնում։ Իրանց մտքով էլ չի անցնում, որ բացի էն բանից, որ Վահեին ծեծած էդ շկաֆին կարելիա սպանել, կաշին քերթել, կտոր-կտոր անել, իրան կարելիա նաև դատել ու տալ օրենքով նախատեսված պատիժը։ Ճիշտ նույն ձևով էլ էդ շկաֆի մտքով չէր անցել, որ հաճախորդին (միգուցե իրեն սխալ պահող) ծեծելով սպանելուց բացի, կարելիա օրինակ՝ ոստիկանություն հրավիրել։

Որպես ամփոփում ասեմ, որ բռնության և անօրինականության դեմ չի կարելի պայքարել բռնությամբ և անօրինականությամբ, որովհետև արդյունքում, ակնհայտորեն, ավելանում է բռնությունների և անօրինականությունների թիվը։

Հ.Գ.
Մուննաթ պարունակող մեկնաբանություններ գրելուց առաջ մինչև 50-ը հաշվեք, կարողա գրելու ցանկությունը վերանա։

Հ.Հ.Գ.
Եթե 50-ը հաշվելուց հետո մեկա գրեցիք մուննաթ պարունակող մեկնաբանություն, ասեմ, իմ բլոգնա, ինչ ուզել եմ, էն էլ գրել եմ, լավ եմ արել։



  • 1
> Կա՞ ապացույց, որ ինքն անմիջական մասնակցություն է
> ունեցել կատարված միջադեպում

Այստեղ միայն անմիջական մասնակցել-չմասնակցելու խնդիրը չէ։ Այստեղ նաև գազազած թիկնազոր բուծելու հարցն է։ Այդ թիկնապահներն իրենց լրիվ անպատիժ են զգացել այդ պահին։ Անպատժելիության այդ զգացումը գալիս է իրենց «շեֆից»։

Ճիշտ ես, հիմա դա ո՞ր օրենքի տակ է ընկնում։ Ո՞ր օրենքով կարելի է Նեմեցին պատասխանատվության կանչել։ Կարծեմ այդպիսի բան ճարել չի ստացվի։ Իրականում խնդիրն այն չի, որ Նեմեցը գազազած թինկազոր է բուծել։ Խնդիրն այն է, որ նա ու իր նմաններն ունեցել են այդ հնարավորությունը։ Ու հիմա էլ ունեն։ Բայց այլևս չպիտի ունենան։

Կամ էլ պիտի օրենքը փոխվի, որ ամեն օլիգարխ իր ախռաննիկների ու մանկլավիկների կերած քաքերի համար պատասխան տա։ Բայց դե օրենք փոխողներն ովքե՞ր են։

(Deleted comment)

Re: Չի կարելի դրանք խառնել

Մոմավառությունը տեղով հիշատակի արարողություն է։ Ու կարծեմ հենց որպես հիշատակի արարողություն էլ ներկայացվում էր։ Իսկ միտինգային հիստերիաները հիշատակի արարողությունում տեղ պիտի չունենան։

Հա, ու ընդհանուր դեպքում բողոքի ակցիայում էլ կարելի է չհիստերիկանալ։ Ու որոշ դեպքերում լուռ և առանց հիստերիկաների ակցիան շատ ավելի ազդու կարող է լինել։ Ու կարծում եմ, որ սա հենց այդ դեպքն էր։

Հ.Գ.
Ամեն դեպքում ընդգծեմ, որ ասածս այն չի, թե այդ մոմավառությունը պետք չէր կազմակերպել և չի վերաբերում այն մարդկանց, ովքեր գնացել էին իրենց հարգանքի տուրքը հանգիստ մատուցելու։ Խոսքս միմիայն հիստերիաների մասին է։

Edited at 2012-07-01 11:58 am (UTC)

(Deleted comment)
(Deleted comment)
///եթե ՊՆ նախախարը միքիչ նամուս թասիբ ունենար///

Քեզ չի թվու՞մ, որ դու էդքան չկաս էդ մարդու մասին սենց բան գրելու համար։ Ես չգիտեմ, քանի տարեկան ես, կարծես թե երիտասարդ ես, բայց ամեն դեպքում, երբ որ էդ մարդը քու համար ծանր վիրավորվում էր, քու համար Շուշի ու Խոջալու էր ազատագրում, դու երևի թե հանգիստ քնում էիր։

Ես հասկանում եմ էմոցիաներ, բայց չափը պետք չի անցնել, էլի։

Edited at 2012-07-01 01:08 pm (UTC)

(Deleted comment)
(Deleted comment)
(Deleted comment)
(Deleted comment)
(Deleted comment)
(Deleted comment)
(Deleted comment)
ես որ գրել էի, բա ինչի մի կես բերան հա չասեցիր ինձ՞

Խլուրդ ջան, ճիշտն ասած չեմ տեսել գրածդ։ Կամ տեսել, բայց մոռացել եմ։ Լինկը կտա՞ս։

"Մարդիկ, սովորեք հարգել հանգուցյալի հիշատակը։ Պայքարելու, պատժելու, կարգախոսներ գոռալու ու միտինգ անելու տեղն առանձին է, մոմ վառելու ու լուռ հիշատակ հարգելու տեղը՝ առանձին (չէ, մոմավառությանը չեմ գնացել)։ Չի կարելի դրանք խառնել։"
Ըհը, լրիվ համաձայն եմ: Երեկ արդեն ստատուսներ էին գրում, թե ափսոս էս անգամ էլ հեղափոխություն չեղավ...

վաբշետը` հա

Ճիշտն ասած` հետդդ համաձայն չեմ: «Հարսնաքարի» մոտ ակցիայի եկած մասսան լրիվ նորմալ մասսա էր, ու ամեն ինչ ճիշտ էին արել: Էդ հետո վերջին պահին Զուրաբյան Լյովիկը եկավ շիթիլ եղավ, ու էլի էդպիսի խառախուռեք կփորձեն առիթից օգտվել... Այ էդ խառախուռեքից ա պետք սահմանազատվել:
Ինչ վերաբերում է փոխգնդապետ Վարդան Սամվելյանի արարքին, ապա ես հակված եմ դա արդարացնել...

Հովհաննես ջան, դե նորմալ մարդկանց գրածս հո չի վերաբերվում։ Եթե մարդը գնացելա, մոմա վառել ու լուռ հարգել Վահեի հիշատակը, պետքա որ էս գրածս իրա վրա չվերցնի։ Բայց որ հարցը առաջանումա, ասեմ. խոսքը մասնավորապես զիբիլիթասի տեսագրության մեջի հիստերիաների մասինա։

///Ինչ վերաբերում է փոխգնդապետ Վարդան Սամվելյանի արարքին, ապա ես հակված եմ դա արդարացնել...///

Բարոյական առումով, այո, արդարացնել կարելի է։ Մարդկայնորեն էլ հասկանալի է։ Բայց նա պիտի դատվի։ Հույս ունեմ, որ դատարանը հաշվի կառնի և մարդու անցած ուղին, և այն, որ ոչ ոք նրա գործողություններից չի տուժել ու կկիրառի պայմանական պատիժ։

Էս գրառմանդ տրված ամենախոսուն պատասխանը Հայրապետյանի ` մանդատից հրաժարվելն ա: Էս քայլը շատ բաների մասին ա խոսում , և հենց գալիս ա ապացուցելու առաջինը այն , որ դու մի քիչ ոչ էնքան ճիշտ դիտարկումներ էիր արել : Մեզ բոլորիս էլ /ոչ միայն նրա կողմից/ նման բաներ սպառնում են , ու քանի դեռ համընդհանուր արդարացի հիստերիա չի բարձրացել անընդհատ էլ կսպառնան

Կոնկրետ ի՞նչն է սխալ ու ինչու՞։

///ու քանի դեռ համընդհանուր արդարացի հիստերիա չի բարձրացել անընդհատ էլ կսպառնան///

Մի մարդ ձեռքերը թափահարելով գնումա։ Կողքից հարցնում են.
-Դու հո գիժ չե՞ս, խի՞ ես թափահարում։
-Վագրերին եմ քշում։
-Ուրա՞ ստեղ վագր։
-Դե քշել եմ, դրա համար էլ չկան։

Եվ ընդհանրապես ինչա՞ նշանակում արդարացի հիստերիա։ Արդարացի կարա լինի զայրույթը, իսկ հիստերիան հիվանդագին երևույթա։

  • 1